ՌԴ նախագահ Վլադիմիր Պուտինը գովել է Անվտանգության դաշնային ծառայության աշխատակիցներին ռուսական պաշտպանական նոր սպառազինության մշակման գաղտնիքը պահելու համար, փոխանցում է РБК-ն:
Պուտինի խոսքով՝ «այդ ժամանակակից տեխնիկայի մշակումները տևել են երկար տարիներ, մշակմանը հազարավոր մարդիկ են մասնակցել»:
«Հաջողվել է ապահովել այդ մասշտաբային ծրագրերի հակահետախուզական օպերատիվ գաղտնիությունը»,- ասել է Պուտինը:
Մարտի 1-ին՝ ելույթ ունենալով Դաշնային խորհրդի նիստի ժամանակ, Պուտինը հայտարարել էր ռուսական սպառազինության մի շարք նորագույն տեսակների մշակման ավարտի մասին, որոնց հարվածային հնարավորությունները հակառակորդի պաշտպանական համակարգերն «անիմաստ և անօգուտ» են դարձնում: