Մոսկվայում ձերբակալվել է ընդդիմադիր գործիչ Ալեքսեյ Նավալնին, գրում է Sobesednik-ը՝ հղում անելով Մոսկվայի ոստիկանությանը:
Նավալնիին ձերբակալել են, երբ նա դուրս է եկել ատամնաբույժի սենյակից: «Ատամս ցավում էր: Գնացի ատամնաբույժի մոտ, և խնդրեմ, երկրորդ օպերատիվ գունդը՝ դուք ձերբակալված եք: Ինչ-որ տեղ են տանում»,- Twitter-ի իր էջում գրել է ընդդիմադիր գործիչը:
Օրեր առաջ էլ հայտնի է դարձել ընդդիմադիր գործչի շտաբի ղեկավար Լեոնիդ Վոլկովի ձերբակալության մասին: Նրան առանց պատճառաբանության ձերբակալել էին «Շերեմետևո» օդանավակայանում: