Գերմանացի լրագրող Դենիս Յուջելը, ով մեկ տարի կալանքի տակ գտնվում էր Թուրքիայում, ազատ է արձակվել, հայտնում է Welt-ը՝ հղում անելով լրագրողի փաստաբանին:
«Վերջապես դատարանը որոշում ընդունեց իմ հաճախորդի ազատ արձակման մասին»,- ասել է փաստաբանը:
Պարբերականը նշում է, որ դատարանը որոշում է ընդունել ազատ արձակել լրագրողին, և երկրից դուրս գալու արգելք չի սահմանվել:
Ավելի վաղ Թուրքիայի նախագահ Ռեջեփ Էրդողանը ձերբակալված գերմանացի լրագրողին «ահաբեկիչների գործակալ» էր անվանել:
Յուջելը ձերբակալվել էր Ստամբուլում անցած տարվա փետրվարին ահաբեկչական գործունեությանը մասնակից լինելու կասկածանքով: