Առնվազն 9 մարդ է զոհվել, 36-ը վիրավոր է Իրանի արևելյան հատվածում ուղևորատար ավտոբուսի մասնակցությամբ վթարի հետևանքով, հաղորդում է РИА Новости-ն՝ հղում անելով Tasnim գործակալությանը:
«Ավտոբուսը շրջվել է այսօր առավոտյան Դեյհուք-Ֆերդոուս ճանապարհահատվածի 7 կմ-ի վրա. զոհերի թիվը հասնում է 9-ի»,- գործակալությունը մեջբերում է ճանապարհային ոստիկանության ներկայացուցչի խոսքը:
Տուժածներին, բացառությամբ 3 մարդու, տեղափոխել են հիվանդանոց:
Գործակալության տեղեկություններով՝ 45 ուղևոր տեղափոխող ավտոբուսը Գաչսարանից ուղևորվում էր Մեշհեդ քաղաք: