Facebook ընկերությունը կֆինանսավորի իր սոցցանցում հաջողակ խմբերի ստեղծողներին: Առանձնացող 5 խմբերին մեկական միլիոն դոլար կտրամադրի, իսկ ընդհանուր առմամբ, ընկերությունը 10 միլիոն դոլար կհատկացնի, հաղորդում է Reuters-ը:
Մինչև 50 հազար դոլար կստանան խմբերի հարյուրավոր ադմինիստրատորները: Facebook սոցցանցի՝ խմբերի համար պատասխանատու բաժնի ղեկավար Ջենիֆեր Դալսկին նշել է, որ մրցույթին կարող են մասնակցել բացարձակ բոլորն՝ անկախ բնակության վայրից:
Հաղթողներին կընտրեն ընկերության աշխատակիցներն ու անկախ փորձագետներից կազմված հանձնաժողովը: