Իսրայելի ավիացիան ռմբակոծել է Սիրիայում իրանական վերահսկողության համակարգերը, որոնք շաբաթ օրը գիշերն անօդաչու թռչող սարքեր էին ուղարկել հրեական պետության օդային տարածք: BBC-ի փոխանցմամբ՝ այս մասին հայտարարել է Իսրայելի բանակային ծառայության մամուլի քարտուղար Յոնաթան Քոնրիքուսը:
Ավելի վաղ հաղորդվել է, որ անօդաչուն գրավվել է Գոլանի բարձունքներում: Պատասխան ավիահարվածը հասցվել է Սիրիայի հակաօդային ուժերի կողմից, որից հետո F-16 կործանիչն ընկել է Իսրայելի հյուսիսում:
Քոնրիքուսի խոսքով՝ «իրադարձությունները շարունակում են զարգանալ»: «Իրանը պատասխանատու է Իսրայելի ինքնիշխանությունը նենգաբար խախտելու համար»,- հավելել է նա: