Հարավային Սախալինի դատարանը 13 տարվա ազատազրկման է դատապարտել Սախալինի շրջանի նախկին նահանգապետ Ալեքսանդր Խորոշավինին, փոխանցում է BBC-ի ռուսական ծառայությունը: Խորոշավինը տուգանվել է նաև 500 միլիոն ռուբլու (8,6 միլիոն դոլար) չափով:
Նրան մեղադրում են 500 միլիոն ռուբլու չափով կաշառք ստանալու և ապօրինի ձեռքբերված եկամուտն օրինականացնելու համար:
Նախատեսվում է, որ նախկին նահանգապետը պետք է պատիժը կրի խիստ ռեժիմի գաղութում: Բացի այդ, Խորոշավինը զրկվել է պետական պարգևներից և պատիժը կրելուց հետո 5 տարվա ընթացքում պետական պաշտոն զբաղեցնելուց:
Խորոշավինն իր մեղքը չի ընդունել և նշել է, որ վճիռը բողոքարկելու համար 10 օր ունի: