Հյուսիսային Կորեան «Հվասոն-15» նոր տեսակի հրթիռ է ցուցադրել Փհենյանում Կորեական ազգային բանակի 70-ամյակի կապակցությամբ կազմակերպված զորահանդեսի ժամանակ:
Միջոցառմանը ներկա է եղել ԿԺԴՀ առաջնորդ Կիմ Չեն Ինը, ով, նախ, ընդունել է հրամանատարի զեկույցը, ապա ելույթ ունեցել Կիմ Իր Սենի անվան կենտրոնական հրապարակում, հաղորդում է ТАСС-ը՝ հղում անելով Kyodo գործակալությանը:
Հյուսիսկորեացի առաջնորդն իր ելույթում հայտարարել է, որ «դեռևս պահպանվում է ԱՄՆ-ի թշնամական քաղաքականությունը»:
Զորահանդեսին մասնակցել է 13 հազար զինծառայող, ցուցադրվել է 4 «Հվասոն-15» հրթիռ և մի քանի «Հվասոն-14», իսկ ահա նոր բալիստիկ հրթիռը՝ «Պուկիկսոն-3»-ը զորավարժությանը չի ցուցադրվել: