Թեհրանը հնարավոր սցենարներ է մշակել ԱՄՆ-ի կողմից Իրանի միջուկային ծրագրի շուրջ գործողությունների համատեղ համապարփակ ծրագրի խախտման դեպքում: Իրանական կողմն այս մասին տեղեկացրել է Մոսկվային: Այս մասին РИА Новости-ին ասել է Ռուսաստանում Իրանի դեսպան Մեհդի Սանային:
«Իրանն, իհարկե, կձգտի համագործակցել Ռուսաստանի, Չինաստանի, ինչպես նաև եվրոպական երկրների հետ, կձգտի պահպանել միջուկային ծրագրի շուրջ գործողությունների համատեղ համապարփակ ծրագիրը: Սակայն եթե այն խախտվի, ապա Իրանը պատրաստ է պատասխան գործողությունների դիմել»,- ասել է դեսպանը:
Դիվանագետի խոսքով՝ Թեհրանն իր հնարավոր սցենարների մասին «տեղյակ է պահել» Ռուսաստանին: