ԱՄՆ պաշտպանության նախարարությունը հրապարակել է միջուկային նոր ռազմավարությունը: Դոկտրինում Ռուսաստանին, Չինաստանին, Հյուսիսային Կորեային և Իրանին առանձին գլուխներ են հատկացված, հայտնում է BBC-ն:
Փաստաթղթում նշվում է, որ Ասիա-խաղաղօվկիանոսյան տարածաշրջանում ԱՄՆ-ի համար «եզակի և բարդ» սպառնալիք է ներկայացնում ոչ միայն Հյուսիսային Կորեան, այլ նաև Ռուսաստանն և Չինաստանը:
Ընդ որում, Չինաստանը՝ բարելավելով իր ռազմական հնարավորությունները, մարտահրավեր է նետում ԱՄՆ-ին:
Բացի այդ, փաստաթղթում անդրադարձ է կատարվում Իրանին և քիմիական ու կենսաբանական զենքի մշակման հարցում նրա ներդրումներին:
ԱՄՆ պաշտպանության փոխնախարար Ջոն Ռուդի խոսքով՝ նոր դոկտրինը մատնանշում է, որ «բոլորի համար մեկ մոտեցումը չի աշխատում»: