Շվեդիայի Սմոլանդ նահանգում իր տանը 91 տարեկան հասակում մահացել է Ikea կահույքի խանութների ցանցի հիմնադիր Ինգվար Կամպրադը, հայտնում է BBC-ն:
Ikea-ի պաշտոնական հայտարարության մեջ Կամպրադն անվանվել է XX դարի մեծագույն գործարարներից մեկը:
«Նա աշխատեց մինչև կյանքի վերջին օրը՝ մնալով հավատարիմ իր այն կարգախոսին, որ աշխատանքի մեծ մասը դեռ առջևում է: Ինգվար Կամպրադը մեծագույն գործարար էր՝ հատկանիշներով, որոնք հատուկ են հարավային Շվեդիայի բնակիչներին»,- ասվում է ընկերության հայտարարության մեջ:
Կապրադն սկսել էր զբաղվել բիզնեսով դեռևս դպրոցական տարիքից: Այդ ժամանակ նա հարևաններին լուցկի էր վաճառում: Ikea խանութների խոշոր ցանցը հիմնադրել է 17 տարեկանում: