ԱՄՆ նախագահ Դոնալդ Թրամփը հայտարարել է, որ թույլ կտա երկրում մնալ 1,8 միլիոն անօրինական ներգաղթյալի, սակայն դրա փոխարեն Կոնգրեսից կպահանջի չեղարկել վիզաների խաղարկությունն ու սահմանափակել գրին քարտերի տրամադրումը, հայտնում է Reuters-ը:
Գործակալությունը նշում է, որ այդ առաջարկներն արդեն քննադատություն են արժանացել ներգաղթյալների աջակցման կազմակերպությունների, ինչպես նաև պահպանողականների կողմից: Նրանք Թրամփի առաջարկներն ԱՄՆ-ում գտնվող օտարերկրացիների համար «համաներում» են անվանել:
Նշվում է, որ նոր առաջարկների հարցով քննարկումներ կանցկացվեն Կոնգրեսում արդեն փետրվարի սկզբին: