Այսօր առավոտյան արտակարգ դեպք է տեղի ունեցել Բուրյաթիի Ուլան-Ուդե քաղաքի Բոր գյուղում տեղակայված թիվ 5 դպրոցում:
Բարձր դասարանի աշակերտներից մեկը «մոլոտովյան կոկտեյլ» կոչվող դյուրավառ հեղուկով ներխուժել է դպրոց և հրդեհել. այս մասին հայտնում է «ՌԻԱ Նովոստի» գործակալությունը:
Դպրոցից աշակերտներից մեկը, յոթերորդ դասարանցի Կիրիլն, ով այդ հարձակման պահին գտնվել է դասասենյակում, գործակալությանը պատմել է, որ ուսուցիչը վազել է ներս և և բղավել՝ «տարհանում», իրենք լավ չեն հասկացել՝ ինչի մասին է խոսքը:
Իջնելով ներքև՝ դպրոցականները տեսել են վնասված դեմքով մի աղջկա, մեկ ուրիշ աշակերտի էլ ձեռքն էր վնասված:
Երեխաները դպրոցի բակում կանգնել են մոտ 10 րոպե, որից հետո բոլորը վազել են: Ինչ-որ մեկը գոչել է, որ հարձակվողները ատրճանակ ունեն, սակայն, տղայի խոսքով, կրակոցներ չեն հնչել:
Արտակարգ իրավիճակների նախարարությունը հաստատել է հրդեհի մասին տեղեկատվությունը:
7-րդ դասարանցիների վրա հարձակված դեռահասն այնուհետ հրդեհել է դասարանը: Տեղի ունեցածի հետևանքով տուժել է 3 աշակերտ և ուսուցիչը:
Այս շաբաթվա մեջ սա արդեն երկրորդ հարձակումն է դպրոցի վրա:
Հիշեցնենք՝ երկուշաբթի էլ Պերմի թիվ 127 դպրոցի վրա էր հարձակում տեղի ունեցել, որի հետևանքով աշակերտներ էին դանակահարվել: