ԱՄՆ նախագահ Դոնալդ Թրամփը Ղազախստանի նախագահ Նուրսուլթան Նազարբաևի հետ հանդիպման ժամանակ հայտարարել է, որ իր երկիրը պատրաստ է ներգաղթյալների ընդունել «բոլոր վայրերից», հաղորդում է The Hill-ը:
«Ես ցանկանում եմ, որ նրանք ժամանեն բոլոր վայրերից: Բոլոր»,- ընդգծել է Թրամփը:
Հիշեցնենք, որ ավելի վաղ Թրամփը հայտարարել էր, որ ԱՄՆ-ին պետք չեն ներգաղթյալներ աշխարհի «կեղտոտ» երկրներից: ՄԱԿ-ի՝ մարդու իրավունքների հարցերով գերագույն հանձնակատարի ներկայացուցիչ Ռուփերթ Քոլվիլն էլ հայտարարել էր, որ ԱՄՆ նախագահ Դոնալդ Թրամփի՝ ներգաղթյալների մասին արված հայտարարությունն իսկապես ռասիստական է: ԱՄՆ-ում Հայիթիի դեսպանը ևս մեկնաբանել էր Թրամփի հայտարարությունը՝ նրան վատ դաստիարակված անվանելով: Թրամփն ի պատասխան այդ մեղադրանքներին՝ հայտարարել էր, որ ինքը ռասիստ չէ: