Խնդրում ենք սպասել...

Միջազգային

Ուկրաինայում Գերագույն ռադայի դիմաց ցուցարարներն իրավապահների դեմ արցունքաբեր գազ են կիրառել

16:35, երեքշաբթի, 16 հունվարի, 2018 թ.
Ուկրաինայում Գերագույն ռադայի դիմաց ցուցարարներն իրավապահների դեմ արցունքաբեր գազ են կիրառել

Այսօր Ուկրաինայի Գերագույն ռադայի շենքի մոտ բախումներ են տեղի ունեցել ցուցարարների և ուժայինների միջև, հաղորդում է 112.ua-ն:

Կիևի ոստիկանության հաղորդմամբ՝ ցուցարարներն անվադողեր են այրել:

Փրկարարները փորձել են մարել այրված առարկաներից առաջացած կրակը, սակայն ցույցի մասնակիցներն, իրենց հերթին, արցունքաբեր գազ են կիրառել իրավապահների դեմ, նրանց ուղղությամբ քարեր և այլ առարկաներ նետել:

Դեպքի հետևանքով մեկ ոստիկան է վիրավորվել, ցույցի մասնակիցներից մեկը ձերբակալվել է:

Նշվում է, որ իրավիճակը վերահսկվում է:

Հայտնի է, որ ներկա պահին Ուկրաինայի խորհրդարանում քննարկվում է Դոնբասի վերաինտեգրման հարցը:

Ուկրաինայում Գերագույն ռադայի դիմաց ցուցարարներն իրավապահների դեմ արցունքաբեր գազ են կիրառել
5981 | 0
Facebook