Երկուշաբթի ավարվել է Պաղեստինի ազատագրման կազմակերպության Կենտրոնական խորհրդի 28-րդ նստաշրջանը, որի արդյունքների համաձայն՝ հայտարարություն է տարածվել: Հայտարարության մեջ, մասնավորապես, ասվում է Օսլոյի համաձայնագրերով նախատեսված անցումային շրջանի ավարտի մասին, հաղորդում է պաղեստինյան Wafa գործակալությունը:
Կենտրոնական խորհուրդը միջազգային հանրությանը կոչ է արել իրականացնել ստանձնած պարտականություններն ու վերջ դնել իսրայելական օկուպացիային, որն էլ հնարավորություն կտա պաղեստինցի ժողովրդին սեփական պետությունն ու մայրաքաղաքն ստեղծել Արևելյան Երուսաղեմում:
Բանաձևն առաջարկում է հրաժարվել որպես պետություն ճանաչել Իսրայելը, քանի դեռ Իսրայելը չի ճանաչել Պաղեստինը՝ որպես անկախ պետություն: Բացի այդ, խորհուրդն Իսրայելից պահանջել է ամբողջությամբ դադարեցնել բնակավայրերի կառուցումը: Ինչպես նաև բանաձևում ասվում է, որ դադարեցվում է Իսրայելի հետ անվտանգության ոլորտում համագործակցությունը: