Պակիստանը դադարեցրել է ԱՄՆ-ի հետ ռազմական և հետախուզական ծառայությունների գծով համագործակցությունը, հաղորդում է տեղական Dawn պարբերականը՝ հղում անելով երկրի պաշտպանության նախարար Հուրամ Դասթգիր Հանին:
«Մենք դադարեցնում ենք ռազմական և հետախուզության գերատեսչությունների գծով ԱՄՆ-ի հետ լայնամասշտաբ համագործակցությունը»,- ասել է նա:
Հանի խոսքով՝ ԱՄՆ-ն «պարտություն է կրում Աֆղանստանում՝ չնայած նրան, որ միլիարդավոր դոլարներ է ծախսում»:
Նա ենթադրել է, որ Վաշինգթոնը փորձում է Պակիստանին որպես «քավության նոխազ» օգտագործել՝ Աֆղանստանում իր ռազմական անհաջողությունների համար: