ՄԱԿ-ում Իրանի մշտական ներկայացուցիչ Գոլյամ Ալի Հոշրոուն պաշտոնական բողոք է ներկայացրել ՄԱԿ-ում՝ ԱՄՆ-ին մեղադրելով Իրանի Իսլամական Հանրապետության ներքին գործերին միջամտելու և երկրում բռնություն սադրելու համար: Այս մասին հայտնում է Tasnim գործակալությունը:
«ԱՄՆ-ի իշխանությունները շարունակում են խախտել միջազգային իրավունքի բոլոր սկզբունքները: Դոնալդ Թրամփի վարչակազմը վերջին օրերին անամոթաբար միջամտում է Իրանի ներքին գործերին»,- ասվում է բողոքի տեքստում:
Իրանցի դիվանագետի խոսքով՝ ԱՄՆ նախագահն ու նրա օգնականը ծաղրանք առաջացնող գրառումների միոցով իրանցիներին սադրիչ գործողությունների են դրդել:
Նա նաև մյուս երկրներին կոչ է արել դատապարտել այդ վտանգավոր քաղաքականությունն ու ԱՄՆ-ից պահանջել գործել ՄԱԿ-ի սկզբունքներին համապատասխան: