Թուրքիայի արտաքին գործերի նախարար Մևլյութ Չավուշօղլուն հեռախոսազրույց է ունեցել ԱՄՆ պետքարտուղար Ռեքս Թիլերսոնի հետ:
Sabah պարբերականի տեղեկություններով՝ կողմերն, ամենայն հավանականությամբ, քննարկել են վիզաների տրամադրման վերսկսումը:
ԱՄՆ Պետդեպարտամենտի մամուլի ծառայությունն իր հերթին հայտարարել է, որ թուրքական կողմը խոստացել է «ժամանակին տեղեկացնել, եթե Թուրքիայի կառավարությունը մտադիր լինի հետագայում բերման ենթարկել կամ կալանավորել ամերիկյան դիվանագիտական առաքելությունների աշխատակիցների փոխարեն ընդունվածներից ինչ-որ մեկին»:
Սակայն Վաշինգթոնում Թուրքիայի դեսպանատունը հայտարարել է, որ Անկարան ԱՄՆ-ին որևէ երաշխիք չի տրամադրել՝ կապված այն աշխատակիցների հետ, որոնց նկատմամբ հետաքննություն է սկսվել: