ԱՄՆ նախկին նախագահ Բարաք Օբաման ճանաչվել է 2017թ. հիացմունքի արժանի մարդ: Կանանց շրջանում այդ անվանակարգում առաջին տեղն է զբաղեցրել ԱՄՆ նախկին պետքարտուղար Հիլարի Քլինթոնը:
Ավանդական հարցումն անցկացրել է Gallup-ը դեկտեմբերի 4-11-ը:
Օբաման առաջին տեղն է զբաղեցնում արդեն 10-րդ անգամ, նրա օգտին է քվեարկել հարցվածների 22%-ը: Անցած տարի նա հավաքել էր 17%: Նրան հաջորդում է ներկայիս նախագահ Դոնալդ Թրամփը՝ 14%, երրորդ տեղում է Հռոմի պապ Ֆրանցիսկոսը՝ 3%:
Քլինթոնը կանանց շրջանում առաջատարի դիրքն է զբաղեցնում 16-րդ տարին անընդմեջ, նրան հաջորդում է երկրի նախկին առաջին տիկին Միշել Օբաման՝ 7%: