ԱՄՆ նախագահ Դոնալդ Թրամփի վարչակազմն առաջարկել է Աբու Դիս քաղաքը Պաղեստինի մայրաքաղաք ճանաչել: Աբու Դիս քաղաքը գտնվում է Երուսաղեմի սահմանի մոտ: Այս մասին հայտնում է Al Jazeera հեռուստաալիքը՝ հղում անելով պաղեստինյան «ՀԱՄԱՍ» շարժման քաղաքական բյուրոյի ղեկավար Իսմայիլ Հանիային:
«Վաշինգթոնը Պաղեստինի իշխանություններին առաջարկել է Աբու Դիս քաղաքը Պաղեստինի մայրաքաղաք ճանաչել»,- հեռուստաալիքը մեջբերում է նրա խոսքը:
Հանիան նշել է, որ Վաշինգթոնի առաջարկը Գազայի հատվածում քաղաքական բարեփոխումների անցկացման ճանապարհով իրավիճակի շտկման առաջարկներ է իր մեջ պարունակում: