Հունվարի 1-ը բնավ էլ տոնական չէ հարևան Իրանում: Այս երկիրն ապրում է իր յուրահատուկ օրացույցով, այնտեղ հիմա 1395 թվականն է: Իրանական օրացույցը կամ որ նույնն է՝ Արևային հիջրան, աստղագիտական արևային օրացույց է, որը կազմվել է Օմար Խայամի մասնակցությամբ և այդ ժամանակից ի վեր չի փոփոխվել:
Օրացույցի համաձայն՝ ամանորը Իրանում նշում են գարնան առաջին օրը, որը համապատասխանում է գրիգորյան օրացույցի մարտի 22-ին: Նոր տարին Իրանում կոչվում է Նովրուզ, իսկ գարնան առաջին ամիսը՝ Ֆավարդին:
Ի դեպ, Նովրուզը նշվում է նաև այլ երկրներում, օրինակ՝ Աֆղանստանում: Նոր տարվան համարժեք Նորվրուզը նշում են նաև Տաջիկստանում, Ադրբեջանում, Ուզբեկստանում, Ղազախստանում, Թուրքիայում, Ղրղզստանում, Ալբանիայում ու Մակեդոնիայում: