Մոսկվայի «Վնուկովո» օդանավակայանում Utair ավիուղիներին պատկանող ինքնաթիռից բորտուղեկցորդուհին վայր է ընկել, հայտնում է TACC-ը: Մոսկվայից Խանտի-Մանսիյսկ ուղևորվող ինքնաթիռը պատրաստվել է թռիչքի, և բորտուղեկցորդուհին փորձել է փակել հետևի դուռը, բայց սայթաքելով՝ 4 մետր բարձրությունից ընկել է գետնին: Նա անգիտակից վիճակում և կոտրվածքով տեղափոխվել է հիվանդանոց: Նշվում է, որ բորտուղեկցորդուհին վայր է ընկել մեջքի վրա: Ավիաընկերությունը պարզում է միջադեպի հանգամանքները: