Վերջերս Ռուսաստանում հիմնադրված «Ազիմուտ» ավիաընկերությունը կսկսի թռիչքներ իրականացնել դեպի Եվրասիական տնտեսական միության (ԵՏՄ) երկրներ արդեն 2018թ.: Այս մասին, ինչպես հայտնում է «РИА Новости»-ն, ասել է ընկերության ռազմավարական զարգացման հարցերով տնօրեն Դմիտրի Զվոնարևը:
Սեպտեմբերի վերջին ընկերության տնօրենների խորհրդի ղեկավար Պավել Ուդոդն առաջարկել էր համալրել դաշնային ավիացիոն կանոնները՝ ավիաընկերության աշխատանքի նախնական փուլում դեպի ԵՏՄ երկրներ թռիչքներ իրականացնելու նպատակով:
Նշվում է, որ նոր ավիաընկերությունը միջազգային չվերթներ իրականացնելու համար պետք է առնվազն 2 տարի ներքին չվերթներ իրականացնի:
«Այժմ կանոնների փոփոխման մասին օրենսդրական որոշումներ են ընդունվել, որոնց համաձայն՝ մենք կարող ենք չվերթներ իրականացնել ԵՏՄ երկրներ՝ Հայաստան, Ղրղզստան, Ղազախստան: Միջազգային չվերթները կմեկնարկեն 2018թ.»,- ասել է Զվոնարևը: