Իսրայելի ռազմաօդային ուժերը հարված են հասցրել Սիրիայի մայրաքաղաք Դամասկոսի ծայրամասում սիրիական բանակի դիրքերից մեկի ուղղությամբ, հաղորդում է El Nashra կայքը:
Չի հստակեցվում, թե կոնկրետ որ շրջանն է հրթիռակոծության ենթարկվել:
Դեկտեմբերի 2-ին Իսրայելը «երկիր-երկիր» հրթիռներով հարվածներ էր հասցրել Դամասկոսի հարավ-արևմուտքում գտնվող Էլ Քիսվա արվարձանում տեղակայված ռազմական օբյեկտների ուղղությամբ: Սիրիան պատասխան կրակ էր բացել և ոչնչացրել հակառակորդի 2 թիրախները:
Դամասկոսն իսրայելական հարձակումը «բացահայտ ագրեսիա» էր անվանել: