Գիտնականներն Ինդոնեզիայում հայտնաբերել են աշխարհի ամենահին ձկնորսի մնացորդները: Հայտնաբերված մնացորդները պատկանել են կնոջ, ով ապրել է 12 հազար տարի առաջ:
Հնագետները պեղումների ընթացքում Ալոր կղզում հին գերեզման են հայտնաբերել, որում, բացի մնացորդներից, ձկնորսական պարագաներ են եղել:
Ավստրալացի գիտնականները 20 տարվա ընթացքում այդ տեղանքում հետազոտություններ են անցկացրել: Մասնագետների խոսքով՝ այդ գտածոն մեծ կարևորություն ունի պատմաբանների համար, ովքեր ուսումնասիրում են Հարավային Ասիայի մարդկանց կենցաղն ու մշակույթը:
Այդ գտածոն խոսում է այն մասին, որ կանայք տղամարդկանց հետ հավասար ուտելիք են հայթայթել և ակտիվ մասնակցել են հասարակական կյանքին: