Տորոնտոյի ոստիկանությունը հայտնել է կանադացի միլիարդատիրոջ և նրա կնոջ առեղծվածային մահվան գործով փորձաքննության արդյունքները:
Ոստիկանության պաշտոնական ներկայացուցիչ Դևիդ Հոփքինսը հայտնել է, որ դատաբժշկական փորձաքննության արդյունքներով պարզվել է, որ ամուսիններին պարանով խեղդամահ են արել:
Կանադական СВС հեռուստաալիքի տեղեկություններով՝ «Ապոտեքս» ընկերության հիմնադիր Բարի Շերմանն ու նրա կինը մահացած են հայտնաբերվել Տորոնտոյի իրենց առանձնատանը: Ոստիկանությունն ամուսինների մահը «կասկածելի» է համարել:
Բարի Շերմանը հիմնադրել է «Ապոտեքս» ընկերությունը 1974թ., և այդ ժամանակահատվածից զբաղվել դեղամիջոցների արտադրությամբ և արտահանել ավելի քան 115 երկիր: Նոյեմբերին «Canadian business» ամսագիրը նրան ներառել էր երկրի ամենահարուստ մարդկանց ցուցակում: