Կիևի կենտրոնում Հոկտեմբերյան պալատի գրոհի փորձի ընթացքում Վրաստանի նախկին նախագահ, Օդեսայի նախկին նահանգապետ Միխայիլ Սաակաշվիլիի կողմնակիցների հետ բախման ժամանակ Ուկրաինայի Ազգային գվարդիայի 60 աշխատակից է տուժել: Այս մասին Facebook-ի իր պաշտոնական էջում հայտնել է գերատեսչությունը:
Կիրակի երեկոյան Սաակաշվիլիի կողմնակիցները գրոհով վերցրել էին Հոկտեմբերյան պալատը, որտեղ այդ պահին համերգ էր ընթանում: Արդյունքում բախումներ էին առաջացել:
Ոստիկանության տեղեկություններով՝ ակցիայի մասնակցիները ծեծկռտուք են կազմակերպել, որի ընթացքում արցունքաբեր գազ են կիրառել, շշեր նետել: Բացի այդ, որոշ զինծառայողներից հատուկ միջոցների են դիմել:
Ավելի ուշ Սաակաշվիլիի կոչից հետո ցուցարարները ուղևորվել են դեպի Գերագույն ռադա: Ինքը՝ Սաակաշվիլին ուկրաինական հեռուստաալիքներից մեկի հետ զրույցում հայտնել է, որ մոտակա օրերին բողոքի ցույցի կոչեր չեն լինի՝ Հոկտեմբերյան պալատի մոտ տեղի ունեցած իրադարձությունների պատճառով: