Ինդոնեզիայի մայրաքաղաք Ջակարտայում ավելի քան 40 հազար մարդ է դուրս եկել փողոց՝ ընդդեմ ԱՄՆ նախագահ Դոնալդ Թրամփի՝ Երուսաղեմն Իսրայելի մայրաքաղաք ճանաչելու որոշման: Այս մասին հայտնում է Straits Times լրատվականը:
Ցուցարարները հավաքվել են անկախության ազգային հուշարձանի մոտ: Ոստիկանությունը հայտնել է, որ դրությունը հանգիստ է և անվտանգ:
Հուշարձանի հարևանությամբ է գտնվում Ինդոնեզիայում ԱՄՆ Դեսպանատունը, որի մոտ ցույցեր են եղել դեռ անցած շաբաթ: Ցույցերի կազմակերպիչն Աստվածաբանների ինդոնեզական խորհուրդն է, նաև մահմեդական և մի քանի այլ կազմակերպություն: