Մոսկվայի արբիտրաժային դատարանը մերժել է գերմանական Siemens կոնցեռնի հայցն ընդդեմ «Ռոստեխ» ընկերության՝ կապված Ղրիմում հայտնված տուրբինների վերադարձի հետ, հաղորդում է BBC-ն:
Հայցվորը կարծում է, որ խաբվել է, իսկ տուրբինները չպետք է մատակարարվեին դեպի թերակղզի:
Դատարանը մերժել է ինչպես Siemens-ի հայցը, այնպես էլ՝ «Ռոստեխ»-ի հակընդդեմ հայցը:
Գերմանական կոնցեռնը «Ռոստեխ»-ից պահանջել էր անվավեր ճանաչել գազային տուրբինների գործարքը: Արդյունքում այդ տուրբինները հայտնվել էին բռնազավթված Ղրիմում, ինչն, ըստ Siemens-ի, արևմտյան պատժամիջոցների խախտում է: