ՄԱԿ-ի Անվտանգության խորհրդի բոլոր 14 անդամ պետությունները մեղադրել են Թրամփի միակողմանի որոշումը: Սակայն հաշվի առնելով ԱՄՆ-ի վետոյի իրավունքը՝ ԱԽ-ն չի ընդունել ո՛չ համատեղ հայտարարություն, ո՛չ բանաձև, հաղորդում է Deutsche Welle-ն:
Եգիպտոսի ներկայացուցիչը «վտանգավոր նախադեպ» է անվանել որոշումը, միևնույն ժամանակ Մեծ Բրիտանիայի, Իտալիայի, Շվեդիայի և Գերմանիայի դիվանագետները համատեղ դատապարտող հայտարարությամբ են հանդես եկել: Այդ որոշումը, ՄԱԿ-ում եվրոպական մի շարք երկրների ներկայացուցիչների կարծիքով, «չի համապատասխանում ՄԱԿ-ի բանաձևերին և ոչնչով չի օգնի տարածաշրջանում խաղաղության հաստատմանը»:
ՄԱԿ-ում ԱՄՆ-ի մշտական ներկայացուցիչ Նիքի Հեյլին վստահեցրել է, որ ԱՄՆ-ն Երուսաղեմն Իսրայելի մայրաքաղաք է ճանաչել «հանուն խաղաղության»: