Վրաստանում 3 մարդ է ձերբակալվել Մարաբդա-Կարցախի հատվածում Բաքու-Թբիլիսի-Կարս երկաթուղու գծերի գողության համար, հաղորդում է Վրաստանի ՆԳՆ-ի կայքը:
Հանցագործությունը տեղի է ունեցել Նինոծմինդա քաղաքում (Սամցխե Ջավախքի մարզ):
Հանցագործները «Դեմիրիոլ սերվիս» ընկերության աշխատակիցներ են եղել: Այդ ընկերությանն են պատկանում Մարաբդա-Կարցախի հատվածի երկաթուղային գծերը:
Գողացված երկաթուղային գծերն առգրավվել են:
Դեպքի փաստով հարուցվել է քրեական գործ «մի խումբ անձանց նախնական համաձայնությամբ գողություն» հոդվածով, որի համար 4-7 տարվա ազատազրկում կարող է սպառնալ: