Ուկրաինայի Գերագույն ռադայի շենքի դիմաց բախումներ են տեղի ունեցել Վրաստանի նախկին նախագահ Միխայիլ Սաակաշվիլիի կողմնակիցների և ոստիկանության միջև: Իրավապահները փորձում էին քաղաքական գործչին տանել հարցաքննության, հաղորդում է «Интерфакс-Украина»-ն:
Բախումները տեղի են ունեցել առավոտյան ժամը 6-ին: Ոստիկաններն արցունքաբեր գազ են կիրառել: Հաղորդվում է բախումների հետևանքով մի քանի տուժածի մասին:
Նշվում է, որ ցուցարարները շարունակում են Ռադայի շրջափակումն ու կիևցիներին կոչ անում աջակցել շարժմանը:
Ներկա պահին հայտնի է, որ Սաակաշվիլին գտնվում է «Կիև» հյուրանոցում:
Բախումներ Սաակաշվիլիի կողմնակիցների և ոստիկանության միջև. կան տուժածներ