Կիևում ձերբակալել են Վրաստանի նախկին նախագահ Միխայիլ Սաակաշվիլիին, հաղորդում է ուկրաինական «Страна» պարբերականը:
Քաղաքական գործչի ձերբակալության մասին «Громадське»-ի եթերում հայտնել է նաև Գերագույն ռադայի պատգամավոր Վիկտոր Չումակը:
Պարբերականի հաղորդմամբ՝ ձերբակալությունից հետո Սաակաշվիլիի տան մոտ ծեծկռտուք է սկսվել, պայթյուն հիշեցնող ձայներ են լսվել: Քաղաքական գործչին նստեցրել են մեքենան:
Ավելի վաղ Սաակաշվիլիի տանն իրավապահները խուզարկություն էին անցկացրել, որի ժամանակ նա սպառնացել էր ցած նետվել իր տան տանիքից: