Ռուս գործարար, հասարակական գործիչ Լարիսա Ռեները Նովոսիբիրսկում կայացած մամուլի ասուլիսի ժամանակ հայտարարել է ՌԴ նախագահական ընտրություններում իր թեկնածությունն առաջադրելու մտադրության մասին: Այս մասին փոխանցում է РИА Новости-ն:
«Ես ընտրությունների եմ գնում բացառիկ ծրագրով՝ «Երջանկության իրավունք», որը կենտրոնացված կլինի այն գաղափարի վրա, որ յուրաքանչյուր մարդ կարող է պահանջված լինել իր պետությունում»,- ասել է Ռաները՝ նշելով, որ իր գլխավոր խնդիրն է ցույց տալ, որ Ռուսաստանի շարքային քաղաքացիները կարող են ազդել պետության ապագայի վրա:
Նա հույս է հայնտել, որ կկարողանա իր թեկնածությունն առաջադրելու համար հավաքել անհրաժեշտ 300 հազար ստորագրությունը: Ռաները նախագահական ընտրություններին ընտրողների 10% ձայներն հավաքելու հույսեր ունի:
Նա կարծում է, որ ՌԴ նախագահի գլխավոր առաքելությունը պետք է լինի Ռուսաստանը երջանիկ մարդկանց երկիր դարձնելը: Նա մտադիր է ընտրվելու դեպքում երկրում երջանկության նախարարություն բացել:
Լարիսա Ռեները գործարար է, հասարակական գործիչ, հոգեբան, գրող, «Անձնական կյանքի ակադեմիա» կենտրոնի հիմնադիրը:
Հիշեցնենք, որ ՌԴ նախագահական ընտրությունները կանցկացվեն 2018թ. մարտին, նախընտրական քարոզարշավը կմեկնարկի այս տարեվերջին: