Պակիստանի Հեյբեր Փահթուհվա նահանգում թալիբները հարձակվել են Փեշավար քաղաքի գյուղատնտեսական համալսարանի վրա:
Հարձակման հետևանքով առնվազն 9 մարդ է սպանվել, ևս 30 մարդ վիրավորվել է:
Dawn լրատվականի հաղորդմամբ՝ դիմակավորված 4 զինյալ ներխուժել է համալսարանի շենք և կրակ բացել ուսանողների ուղղությամբ: Դեպքի վայր են հասել ոստիկաններ ու զինվորականներ: Լրատվականի տվյալներով՝ գրոհայիններն սպանվել են:
Կատարվածի պատասխանատվությունն ստանձնել է Թալիբան շարժման տեղի ճյուղավորումը՝ Թեհրիկ ի Թալիբան Պակիստանը: