ԵՄ դիվանագիտության ղեկավար Ֆեդերիկա Մոգերինին «կինը, ով գտնվում է իշխանության մեջ» անվանակարգում ճանաչվել է 2017թ. «Եվրոպայի կին», հաղորդում է РИА Новости-ն՝ հղում անելով Women of Europe Awards-ի հանձնաժողովին:
«Եվրոպայի կին» կոչումը շնորհվում է 4 անվանակարգով: Թեկնածուներին ընտրում են Եվրոպայում քաղաքացիական հանրության խոշոր կազմակերպության և կանանց եվրոպական լոբբիի ներկայացուցիչները:
Առաջին անգամ կոչումը շնորհվել է 2016թ.: Այդ ժամանակ մրցանակը շնորհվել է մրցակցության հարցերով եվրոհանձնակատար, դանիացի Մարգարեթ Վեսթագերին: