ԱՄՆ-ն կոչ է անում աշխարհի բոլոր երկրներին խզել Հյուսիսային Կորեայի հետ ցանկացած կապ, դադարեցնել առևտուրն ու արտաքսել հյուսիսկորեացի աշխատավորներին: Այս մասին հայտարարել է ՄԱԿ-ում ԱՄՆ-ի մշտական ներկայացուցիչ Նիքի Հեյլին, հաղորդում է РИА Новости-ն:
Նրա խոսքով՝ դա վերաբերում է այդ երկրի հետ համագործակցության ցանկացած ոլորտին, ներառյալ առևտրային ոլորտը:
Նրա խոսքով՝ ԱՄՆ նախագահ Դոնալդ Թրամփը Չինաստանի ղեկավար Սի Ցզինփինի հետ բանակցությունների ժամանակ հայտարարել է, որ Չինաստանը պետք է դադարեցնի Հյուսիսային Կորեա նավթի մատակարարումները:
Հեյլին ընդգծել է, որ Պեկինը պետք է առաջատարի դիրք զբաղեցնի և «գործն ավարտին հասցնի»:
Նա նաև կոչ է արել ՄԱԿ-ին Հյուսիսային Կորեային զրկել ձայնի իրավունքից: