Եվրոխորհրդի նախագահ Դոնալդ Տուսկը չի կարողացել զսպել իր հիասթափությունը՝ կապված «Արևելյան գործընկերության» ընդունած վերջնական հռչակագրի հետ: Ինչպես հայտնում է РИА Новости-ն, Տուսկը դժգոհ է ոչ բավարար հավակնոտ հայտարարություններից:
«Ես կնախընտրեի, որ հռչակագրի հայտարարություններն առավել հավակնոտ լինեին: Սակայն մենք բոլորս որոշեցինք, որ մեր միասնության դրսևորումն ամենակարևոր նպատակն է»,- ասել է ԵԽ նախագահը:
Ընդ որում, Տուսկը նշել է, որ առանցքային առաջարկ էր ԵՄ-ի հետ ասոցացվող երկրների «եվրոպական ընտրության» ճանաչումը:
Հիշեցնենք, որ «Արևելյան գործընկերության» ծրագիրը ենթադրում է Հայաստանի, Ադրբեջանի, Վրաստանի, Մոլդովայի, Ուկրաինայի և Բելառուսի մասնակցությունը: