Հունաստանի առափնյա պահակազորը Փիլոսի ափերից ոչ հեռու ծովում անհետացած նավ է որոնում, որում շուրջ 45 գաղթական ու փախստական է եղել: Այս մասին հայտնում է Աթենքի AMHA լրատվականը:
Լրատվականի հաղորդմամբ՝ նավում գտնվողներից մեկը զանգել է եվրոպական 112 արտակարգ հեռախոսահամարին և օգնություն խնդրել՝ հայտնելով, որ շարժիչի խափանման պատճառով նավը վտանգի մեջ է:
Որոնողական աշխատանքներին ներգրավված են պահակազորային ու ձկնորսական նավեր և ուղղաթիռ: