«Լեռնային Ղարաբաղի հիմնախնդիրը կարող է լուծել միայն Ռուսաստանը, այդ իսկ պատճառով այսօր Սոչիում ՌԴ նախագահ Վլադիմիր Պուտինի հետ հանդիպման ժամանակ կրկին կբարձրացվի այդ հարցը»,- ասել է Թուրքիայի նախագահ Ռեջեփ Էրդողանը, փոխանցում են թուրքական ԶԼՄ-ները:
Էրդողանը հայտարարել է, որ ավելի վաղ Պուտինի հետ քննարկել է ԼՂ հիմնահարցը: Վերջինը նշել է, որ Ռուսաստանն անում է հնարավոր ամեն ինչ այդ խնդրի լուծման համար: «Ես ևս մեկ անգամ ՌԴ նախագահին հորդորեցի ավելի հետևողական լինել 5 շրջանների վերադարձման հարցում, քանի որ այդ խնդիրը կարող է լուծել միայն Ռուսաստանը»,- հավելել է Էրդողանը:
Նա նաև նշել է, թե ԼՂ հակամարտությունն իրենց համար ազգային նշանակության հարց է: