Հետաքրքիր է

Շան՝ երբևէ հայտնաբերված ամենահին պատկերն են գտել Սաուդյան Արաբիայի հյուսիս-արևմուտքում, հայտնում է ScienceMag-ը: Պատկերը քանդակված է եղել Արաբական անապատում՝ ժայռի վրա՝ չորացած գետի մոտակայքում:
     Գիտնականները ենթադրում են, որ պետրոգլիֆը 8-9 հազար տարեկան է, ուստի այն կարելի է համարել շան հնագույն պատկերը: Այն նաև հնարավորություն է տալիս եզրահանգելու, որ մարդը շներին վարժեցրել է հազարավոր տարիներ ավելի վաղ, քան ընդունված է կարծել:
     Ի դեպ, ըստ մասնագետների, այս պատկերում նկարված շները շատ նման են ժամանակակից քանանական շներին: