Մեքսիկայում իր տանը հանցավոր խմբի կողմից սպանվել է Վերաքրուս նահանգի Իդալգոտիտլան քաղաքի նորընտիր քաղաքապետ Սանտան Քրուս Բաենան, հաղորդում է РИА Новости-ն:
Նշվում է, որ մի քանի տասնյակ զինված մարդիկ շրջափակել են քաղաքապետի տունն ու պահանջել, որ նա փողոց դուրս գա: Երբ նա հրաժարվել է փողոց դուրս գալ, հանցագործները կոտրել են դուռն ու ներխուժել տուն:
Քաղաքապետից բացի՝ նրանք սպանել են նաև նրա 3 թիկնապահներին:
Քրուս Բաենան ընտրվել էր «Նոր դաշինք» կուսակցությունից: Ակնկալվում էր, որ նա կստանձնի իր պարտականություններն այս տարվա դեկտեմբերի 31-ին: