Իրաքի դաշնային դատարանն այսօր Իրաքի Քրդստանի անկախության հանրաքվեի հակասահմանադրական լինելու մասին վճիռ է կայացրել, հաղորդում է РИА Новости-ն՝ վկայակոչելով երկրի տեղեկատվական գործակալությանը:
Ավելի վաղ Բաղդադի գերագույն դաշնային դատարանը հայտարարել էր, որ Իրաքի սահմանադրությունը երկրի որևէ մասի անջատման հնարավորություն տվող հոդվածներ չի պարունակում:
Իրաքյան Քրդստանի ինքնավար մարզը սեպտեմբերի 25-ին Իրաքից անկախանալու հանրաքվե էր անցկացրել, որում անկախացմանը կողմ էր քվեարկել քրդերի 93%-ը: Բաղդադը չի ընդունել դրա արդյունքները: