Ամերիկացի սերիական մարդասպան Չառլզ Մենսոնը, ում ցմահ ազատազրկման էին դատապարտել, մահացել է 83 տարեկան հասակում: Այս մասին հայտնում է TMZ պորտալը՝ հղում անելով Մենսոնի զոհերից մեկի քրոջը:
Աղջիկը հայտնել է, որ բանտը, որտեղ իր պատիժն էր կրում Մենսոնը, շփում ունի նրա բոլոր զոհերի հարազատների հետ: Նա հայտնել է, որ նոյեմբերի 19-ին ժամը 8.13-ին նրան զանգեցին և հայտնեցին, որ Մենսոնը մահացել է:
Ավելի վաղ հայտնի է դարձել, որ մարդասպանին բանտից հոսպիտալացրել են:
Մենսոնը ցմահ ազատազրկման էր դատապարտվել 1969թ. ամռանն իր ընկերոջը՝ Գերի Հինմենին սպանելու համար: Իսկ այս տարվա ամռանը Մենսոնի խմբավորման անդամներն սպանել էին հայտնի ռեժիսոր Ռոման Պոլանսկու կնոջը՝ Շերոն Թեյթին, ով այդ պահին գտնվում էր հղիության 8-րդ ամսում: 2027թ.-ին մտադիր էին Մենսոնին վաղաժամ ազատման հնարավորության ընձեռնել: