Երեկ երեկոյան Ադրբեջանի նախագահ Իլհամ Ալիևն իր նստավայրում ընդունել է ՌԴ ԱԳՆ ղեկավար Սերգեյ Լավրովին: Ալիևը նշել է, որ Մոսկվայի և Բաքվի հարաբերությունները վաղուց ռազմավարական գործընկերության մակարդակի են հասել:
Լավրովն ընդգծել է, որ Ռուսաստանը՝ որպես ԵԱՀԿ Մինսկի խմբի համանախագահ, նախկինի պետ շահագրգիռ է ԼՂ հակամարտության կարգավորման հարցում:
Հիշեցնենք, որ հոկտեմբերի 16-ին Ժնևում կայացավ Ալիև-Սարգսյան հանդիպումը, որի ժամանակ կողմերը համաձայնության հասան տարածաշրջանում լարվածության նվազեցման համար հավելյալ քայլեր ձեռնարկելու հարցում:
Դրանից հետո՝ արդեն նոյեմբերին, երկու երկրների ԱԳՆ ղեկավարները հանդիպեցին Մոսկվայում, որտեղ առանձնին հանդիպումներ անցկացրեցին ՄԽ համանախագահների հետ: Ինչպես նաև բացառված չէ, որ նրանք դեկտեմբերի սկզբին կհանդիպեն Վիեննայում ԵԱՀԿ երկրների ԱԳՆ ղեկավարների նիստի շրջանակներում: