Թուրքիան մտադիր չէ սիրիական ճգնաժամի կարգավորման հարցում համագործակցել ԱՄՆ-ի հետ, քանի որ ԱՄՆ-ի իշխանություններն աջակցում են ԴԱԻՇ ահաբեկչական խմբավորմանը: Այս մասին հայտարարել է Թուրքիայի նախագահ Ռեջեփ Էրդողանը, հայտնում է birgun-ը:
«ԱՄՆ-ն մեզ շատ է հիասթափեցրել: Ասում էին, թե պայքարում են ԴԱԻՇ-ի դեմ, իսկ ի՞նչ արեցին նրանք: Մեծ գումարներ տվեցին ԴԱԻՇ-ին»,- հայտարարել է Էրդողանը:
Նման կտրուկ քննադատություն է Էրդողանն արել Սիրիայի տարածքում ԱՄՆ-ի և Թուրքիայի հնարավոր համատեղ գործողությունների քննարկման համատեքստում:
Էրդողանն ընդգծել է, որ Անկարան այլևս չի հավատում Վաշինգթոնի հայտարարություններին:
Նա նաև նշել է, որ ԱՄՆ-ն զինում է սիրիացի քրդերին: