Սննդակարգում սպիտակ սնկի հաճախակի օգտագործումը դանդաղեցնում է օրգանիզմում ծերացման գործընթացները: Սպիտակ սունկն իր մեջ միանգամից 2 հակաօքսիդանտ է պարունակում, որոնք էլ ապահովում են երկարակեցությունը: Խոսքն էրգոտիոնեինի և գլուտաթիոնի մասին է:
Փենսիլվանիայի համալսարանի պրոֆեսոր Ռոբերտ Բիլմենը պնդում է, որ այդ նյութերն օգնում են չեզոքացնելու ազատ ռադիկալների հասցրած ազդեցությունը: Իսկ դրա վնասը կապված է այնպիսի հիվանդությունների զարգացման վտանգի հետ, ինչպիսիք են քաղցկեղը, սրտի իշեմիկ հիվանդությունը, Այցհեյմերի հիվանդությունը և այլն:
Առավել շատ էրգոտիոնեին և գլուտաթիոն է պարունակվում սպիտակ սնկի մեջ, ավելի քիչ՝ շամպինիոնի: