Միջազգային

ԱՄՆ Արդարադատության նախարարությունը ռուսական RT America հեռուստաալիքը սպասարկող T&R Productions LLC ընկերությանը դասել է օտարերկրյա գործակալների շարքին, այս մասին, ինչպես փոխանցում է РИА Новостин-ն, հայտնել է հեռուստաալիքի գլխավոր խմբագիր Մարգարիտա Սիմոնյանը:

Ըստ նար՝ այս իրադարձությունը կբարդացնի իրենց գործունեությունը, քանի որ իրենց հետ աշխատող որևէ լրագրող իրեն ապահով չի զգա նման պայմաններում, կբարդացվի հարցազրույցներ վերցնելու գործընթացը, կառաջանան բազմաթիվ սահմանափակումներ:

Ավելի վաղ Սիմոնյանն ասել էր, որ RT America-ն որպես օտարերկրյա գործակալ է գրանցվել ԱՄՆ արդարադատության նախարարության պահանջով: Նա ընդգծել է, որ իրենք ստիպված են եղել ընտրություն կատարել նման գրանցման և քրեական գործի միջև:

Լրատվականն այսուհետ ստիպված է լինելու ամերիկյան իշխանություններին ներկայացնել իրենց հաշվետվությունները, աշխատակիցների հասցեները, տվյալներ պայմանագրերի ու տրվող աշխատավարձերի մասին:

Լրագրողների պաշտպանության հանձնաժողովը դատապարտել է ամերիկյան կողմի որոշումը: