Թոյվո Քլաարը նշանակվել է Հարավային Կովկասի և Վրաստանի ճգնաժամի հարցերով Եվրոմիության հատուկ ներկայացուցիչ: Այս մասին ասվում է ԵՄ մամուլի ծառայության հաղորդագրության մեջ:
Նա փոխարինել է Հերբերտ Զալբերին, ով զբաղեցնում էր այդ պաշտոնը 2014-ից:
Քլաարի պարտականությունների մեջ կմտնի տարածաշրջանում հակամարտությունների, այդ թվում՝ Վրաստանի և արցախյան հակամարտությունների, խաղաղ կարգավորումը: Նա նաև կզբաղվի տարածաշրջանային համագործակցության խթանմամբ:
Մինչ այդ նա զբաղեցրել է Վրաստանում ԵՄ դիտորդական առաքելության ղեկավարի պաշտոնը: